Софија, 24 септември 2024 (МИА/БТА) - Во 9.353 изборни места во Бугарија ќе се гласа машински на предвременото парламентарно гласање на 27 октомври, изјави на брифинг за медиумите заменик-претседателот и портпарол на Централната изборна комисија (ЦИК) Росица Матева. Таа потсети дека според Изборниот законик, машинско гласање е достапно во делови каде што на избирачките списоци има над 300 гласачи.

Ова е веста, која денеска ја избра МИА од сервисот на Бугарската телеграфска агенција (БТА), согласно Договорот за размена на информации и професионална соработка, кој предвидува секој ден националните информативни агенции на Северна Македонија и Бугарија да разменуваат по една вест, која ќе ја објават на својот интернет сајт без промени со изрично посочување и цитирање на партнерот како извор.

По завршувањето на рокот за поднесување барања на 1 октомври, ЦИК ќе одлучува и за бројот на места со машина и во странство, појасни Матева. Според неа, заклучно со 13.30 часот денеска биле поднесени 13.469 пријави за гласање надвор од државата.

Денеска истекува рокот во кој партија или коалиција може да поднесе барање за бришење на пријавувањето за учество на изборите во октомври, потсети Матева. Таа посочи дека досега се пријавени 23 партии и девет коалиции за учество на изборите во октомври. Утре, 25 септември, во 16:00 часот ќе се влече ждрепката за редниот број на партиите и коалициите на гласачкото ливче за изборите, истакна таа.

Матева појасни дека во 00:00 часот на 27 септември, петок, почнува изборната кампања и ќе заврши на 25 октомври.

ЦИК ги повикува сите партии и кандидати да водат толерантна кампања насочена кон граѓаните, да не го нарушуваат добриот морал и да не ги прекршуваат правилата и условите на изборната кампања, рече Матева.

Таа потсети дека минатата недела ЦИК ги задолжи градоначалниците на општините да ги уништат сите списоци од гласачките машини што останале од претходните избори. До 4 октомври очекуваме повратна информација од сите регионални гувернери и градоначалници на општините за тоа како ја спроведоа одлуката на ЦИК.

Единствен кандидат за овозможување машинско гласање беше АД „Сиела Норма“, потсети Матева и рече дека се надева дека ќе ги почитуваат барањата од одлуката на ЦИК и сите нивни обврски, како што налага Изборниот законик. 

Медиумската информативна агенција овие текстови ги објавува во оригинална форма, согласно Договорот за размена на информации и професионална соработка меѓу двете национални новински агенции МИА и БТА.