Македонска државјанка уапсена во Косово поради измама
- Косовската полиција соопшти дека во неделата уапсила државјанка на Северна Македонија, под сомнение за измама, јави дописникот на МИА од Приштина.
![Македонска државјанка уапсена во Косово поради измама](https://mia.mk/images/20240826114916_big_730x400_78.webp )
Приштина, 26 август 2024 (МИА) – Косовската полиција соопшти дека во неделата уапсила државјанка на Северна Македонија, под сомнение за измама, јави дописникот на МИА од Приштина.
Во денешниот 24-часовен извештај на полицијата се наведува дека осомничената измамила лице во врска со одредена исплата на 12 јули во градот Подујево.
„На 25.08.2024 година, уапсена е осомничена жена, државјанка на Северна Македонија, која ја измамила жртвата од машки пол, Косовар, во врска со исплата“, се вели во соопштението.
По налог на надлежен обвинител, на осомничената ѝ е одредена мерка притвор.иа/
Фптп: МИА архива