• четврток, 28 март 2024

Кривична пријава против двајца велешани, измамиле граѓани продавајќи им празни ЦД-а за учење странски јазици

Кривична пријава против двајца велешани, измамиле граѓани продавајќи им празни ЦД-а за учење странски јазици

Скопје, 29 мај 2023 (МИА) - Единицата за внатрешни работи Одделението за криминалистички работи Карпош при СВР Скопје поднесе кривична пријава против А.В.(30) и Д.В.(36), двајцата од Велес, поради постоење основано сомнение за сторени кривични дела „измама“, казниво по чл. 247 и кривично дело „посебни случаи на фалсификување на исправи“ казниво по чл. 378 од Кривичниот законик.

- Имено, во координација со скопското Основното јавно обвинителство, полициски службеници во полициска станица извршиле службен разговор со пријавените, при што било констатирано дека двајцата, претставувајќи се во име на правно лице – училиште за странски јазици од Скопје, преку онлајн продажба нуделе и продавале материјали (ЦД-а) за учење на странски јазици кои биле празни, односно без содржина, при што оштетиле поголем број на граѓани, стекнувајќи се со противправна имотна корист, известуваат од полицијата. ир/лв/

Остани поврзан