Пекинг, 26 август 2024 (МИА) – Играта со карти „гуандан“ е многу популарна помеѓу работниците во Кина, а Кинеската комунистичка партија сега се обидува да ја забрани, иако пред само неколку години ја промовираше, па дури и се обиде да ја заштити како културно богатство на земјата.

Кинеските државни медиуми минатата година ја промивираа играта „гуандан“ како начин за поголема социјална кохезија, а беа организирани и турнири. Кампања беше успешна и повеќе од 100 милиони луѓе во Кина почнаа да играат „гуандан“.

Меѓутоа, сега властите во Кина тврдат играта е лоша за општеството и се обидуваат да ја забранат. Причината за тоа е што, според нивните анализи, работниците имаат многу попасивен однос кон работата и не се толку продуктивни како порано.

Дел од компаниите бараат од своите вработени да ги пријават своите колеги кои играат „гуандан“ за време паузата.

Според аналитичарите, владината кампањата е против секоја активност што промовира помали групи. Кинеските власти ги критикуваат и други хобија како голф, играње видеоигри на интернет и слично. ми/

фото: Википедија