Кејн задоволен од тоа како Англија ги почна квалификациите за Еуро 2024
- Англискиот фудбалски репрезентативец Хари Кејн е задоволен од двете победи на отворањето на квалификацискиот циклус за Европското првенство 2024.
Лондон, 27 март 2023 (МИА) - Англискиот фудбалски репрезентативец Хари Кејн е задоволен од двете победи на отворањето на квалификацискиот циклус за Европското првенство 2024.
- Моравме да победиме и го направивме тоа. Тимот на Англија е во одлична позиција во моментов. Беше добра недела. Бевме вознемирени од неуспехот на Светското првенство во 2022 година, но знакот на силен тим е способноста повторно да излеземе на вистинскиот пат, изјави Кејн за „Би-би-си“.
Англија во првото коло ја победи Италија, а во второто беше поуспешна од Украина. Англичаните се на врвот во групата Ц со максимални шест бода. зс/
Фото: ЕПА