• четврток, 28 март 2024

Каевски: Долгови, партиски вработувања и поскапи услуги за граѓаните, тоа е резултатот на градоначалниците на ВМРО-ДПМНЕ

Каевски: Долгови, партиски вработувања и поскапи услуги за граѓаните, тоа е резултатот на градоначалниците на ВМРО-ДПМНЕ

29 мај 2023 

Почитувани граѓани, почитувани новинари,

Повеќе од една и пол година измина од мандатот на над 40 градоначалници од ВМРО-ДПМНЕ а граѓаните од нив не видоа реализација на ниту еден важен проект.

Но затоа има задолжување на општините, партизација и поскапи комунални услуги за граѓаните.

Штип, Велес, Прилеп, Охрид се само дел од општините предводени од градоначалници на ВМРО-ДПМНЕ кои драстично ги поскапеа услугите за граѓаните.

Охрид и Прилеп се и едни од најзадолжените општини кои должат шест, односно близу два милиони евра.

И додека Општина Прилеп должи пари, тамошното јавно комунално претпријатие Комуналец, распишува тендер за привремени вработувања вреден речиси 400.000 евра за да вдоми партиски кадри.

И сето тоа се случува откако граѓаните на Прилеп плаќаат во просек за 20 отсто поскапа вода и за 60 отсто поскапи комуналии.

И не е само општина Прилеп којашто расипнички се однесува кон парите на граѓаните.

За времени вработувања Општина Бутел троши над 280.000 евра, Општина Гази Баба над 220.000 евра, пет милиони денари троши општина Аеродром за истата намена, а милиони денари за вработувања трошат и општините Кочани, Илинден, Велес… сите раководени од ВМРО-ДПМНЕ.

Посебна приказна за неспособноста на ВМРО-ДПМНЕ е Градот Скопје кој има долг од три милиони евра, но има и блокирана сметка и се ближи кон целосен банкрот.

Поради инаетот и каприците на Данела Арсовска и ВМРО-ДПМНЕ изгуби грант од 70 милиони евра и дополнително плаќа годишни пенали.

Најголемата единица на локалната самоуправа со убедливо најголем буџет од 100 милиони евра, Скопје, ВМРО-ДПМНЕ го доведе до состојба на нефункционалност и пред банкрот.

Досега вакво нешто се нема случено.

Но, секогаш кога оваа партија ќе дојде до власт и во допир со парите на граѓаните, на општините им се случува катастрофа.

Одговор :Како што најави претседателот на СДСМ и премиер, Димитар Ковачевски очекуваме во наредните 10 дена да се случи средба. 

Време е за одговорност пред граѓаните и европската иднината на државата од сите партии, вклучително и од ВМРО-ДПМНЕ.

Време е за глас за Европа во македонското Собрание за продолжување на европскиот пат на земјата. 

Исклучително е важно тоа да се случи до крајот на оваа година, така да секако наредната година е изборна година. 

Очекуваме Мицкоски да ги среди своите ставови и да каже што одлучил: ЕУ или Левица.

Прес-конференција, Дарко Каевски, пратеник и портпарол на СДСМ

________________________________________________________________________________________ 

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.

Фото: СДСМ 

Остани поврзан