Москва, 15 мај 2026 (МИА) - Украинската војска во текот на ноќта изведе еден од најжестоките напади со дронови врз руска територија од почетокот на војната, при што социјалните мрежи се преплавени со драматични снимки од огромни пожари и експлозии над повеќе руски градови, јавија светските агенции.

Massive fire on the territory of the Ryazan oil refinery in western Russia following Ukrainian drone attack a few hours ago.

The Ryazan refinery, one of the largest in Russia, is located over 460km from the border with Ukraine. It was already targeted by Ukrainian strikes… pic.twitter.com/Tt2ZPBAQFG

— Status-6 (War & Military News) (@Archer83Able) May 15, 2026

Најтешко е погодена рафинеријата за нафта во Рјазањ, една од клучните точки за снабдување на руската војска со гориво. Нападот следуваше само еден ден по бруталниот руски ракетен удар врз Киев, во кој загинаа најмалку 24 лица, а десетици беа ранети. Украинскиот претседател Володимир Зеленски претходно нареди подготовка на „соодветни формати на одговор“.

Во Киев денеска се одбележува Ден на жалост по масовните руски воздушни напади извршени во ноќта кон четвртокот. Спасувачките служби потврдија дека меѓу 24-те жртви има и три деца, додека 47 лица се повредени. Зеленски соопшти дека е предизвикана штета на повеќе од 20 локации во градот, вклучувајќи и цивилна инфраструктура.

Според руски извори и пишувањето на „Киев Индипендент“, во текот на ноќта над Рјазањ се слушнале силни детонации. Рафинеријата во овој град е меѓу најголемите во Русија, со годишна преработка од над 17 милиони тони нафта. Гувернерот на Рјазањската област, Павел Малков, потврди дека делови од соборени дронови погодиле едно претпријатие и повеќе станбени згради, при што загинале три лица, а 12 се ранети.

Apocalyptic scenes from Russia's city of Ryazan at this hour, as Ukrainian strikes manhandle the remnants of the Russian oil industry. pic.twitter.com/LzuGAPJgBM

— Jay in Kyiv (@JayinKyiv) May 15, 2026

Нападите не беа ограничени само на Рјазањ. Чад е забележан и над воениот аеродром во Ејск, во Краснодарскиот крај, а градоначалникот на Москва, Сергеј Собјанин, соопшти дека пет дронови се соборени при приближување кон престолнината. Поради опасност од удари, привремено беа затворени аеродромите „Домодедово“ и „Шереметјево“.

Експлозии се пријавени и на окупираниот Полуостров Крим, поточно во градовите Евпаторија и Саки. Украинската војска официјално не се огласи за овие напади, додека руските тврдења не можат независно да се потврдат.

Оваа серија удари доаѓа во време кога Украина ја интензивира кампањата против руската енергетска инфраструктура со цел да ги намали приходите на Москва за финансирање на војната. Рјазањ се наоѓа на околу 450 километри од украинската граница и 180 километри југоисточно од Москва, што ја покажува зголемената способност на украинските дронови за удари длабоко во руска територија. ссм/сд/

фото: принтскрин