Кавадарци, 6 јуни 2023 (МИА) - Комисијата за еднакви можности при Советот на општината Кавадарци, денеска реализираше едукативен настан во кавадаречкото средно земјоделско - шумарско училиште ,,Ѓорче Петров". 

Марија Камчева, претседателка на Комисијата, информираше дека целта е подигнување на свеста за ментструалната хигиена кај девојките и жените. 

- Како комисија, во рамки на програмата за работа, денеска спроведуваме активност, за да ги запознаеме девојките за репродуктивното здравје, за менструалната хигиена и за тоа колку е важно, девојките и жените да одржуваат менструална хигиена. 

Во рамки на активноста, на девојки им беа поделени и хигиенски менструални влошки. - Здравата жена е економски независна и исполнителна жена,  нагласи Камчева.

Советничката Веса Богева, член на оваа комисија, најави и низа други активности во оваа насока, за подигнување на свеста за значењето на менструалното и репродуктивното  здравје. свд/дма/

Фото: МИА