Брисел, 7 јуни 2023 (МИА) - Европската комисија денеска објави дека ќе одвои 1,23 милијарди евра за помош на менталното здравје во земјите-членки на ЕУ, со цел менталното здравје да стане столб на здравствената политика. 

„Денес е нов почеток за сеопфатен пристап ориентиран кон превенција и повеќе засегнати страни кон менталното здравје на ниво на ЕУ“, рече еврокомесарката за здравје и безбедност на храна Стела Киријакидес. 

Беше објавено дека проблемите со менталното здравје веќе погодиле околу 84 милиони луѓе во ЕУ пред пандемијата на вирусот Ковид-19, предизвикувајќи економски трошоци од околу 600 милијарди евра годишно или четири отсто од БДП на ЕУ. 

Акцијата на ЕУ ќе се фокусира на соодветна и ефикасна превенција, пристап до висококвалитетна и прифатлива грижа и третман за менталното здравје и реинтеграција во општеството по закрепнувањето. 

Ситуацијата се влоши по пандемијата и војната во Украина, како и загриженоста за климатските промени и зголемените трошоци за живот поради зголемената инфлација. паг/

Фото: МИА архива