Дебар, 6 мај 2026 (МИА) - Полициски службеници од Одделението за внатрешни работи во Дебар лишиле од слобода дебранец поради физички напад врз неговата сопруга. 
 
-Полициските службеници го лишиле од слобода Б.Г.(45) од Дебар, постапувајќи по претходна пријава дека во семејниот дом физички ја нападнал неговата 36-годишна сопруга, на која и упатувал и закани, информираа од полицијата. 
 
Нападната сопруга побарала и лекарска услуга во Општата болница со проширена дејност. 
 
По целосно документирање на случајот, ќе следува соодветна пријава.  
 
Според полицијата ова е петти случај на семејно насилство пријавен годинава, на подрачјето на oпштините Дебар и Центар Жупа, кои се под надлежност на дебарското одделение. вт/лв/ 
 
Фото: МИА