Сараево, 2 декември 2024 (МИА) – Владејачката коалиција во Босна и Херцеговина денеска не постигна договор за исполнување на обврските за Европска Унија да го одобри Планот за раст на БиХ, изјави лидерот на Хрватската демократска заедница на БиХ, Драган Човиќ.

- Поврзано со Планот за раст има уште отворени прашања и договорено е претседавачката со Советот на министри на БиХ (Борјана Кришто) да свика работен тим и прецизно да заклучи што уште остана да договориме, изјави Човиќ по состанокот со претставниците на ХДЗ БиХ, Сојуз на независни социјалдемократи (СНСД) и пробосанска коалиција Тројка.

Тој посочи дека денеска е усогласена одлуката за именување на главен преговарач на БиХ со ЕУ и двајца негови заменици, како и Програмата за интегрирање.

Човиќ истакна дека на денешната средба не е договорен и координатор на ИПА, а најави оти ќе продолжат преговорите за усвојување на државниот буџет. ми/

фото: МИА архива