Киншаса, 10 септември 2026 (МИА) - Бројот на жртви од пожарот во училиштето во градот Букаву, кој е под контрола на бунтовниците, во Демократска Република Конго се искачи на 24, а 29 лица се повредени, изјави Масумбуко Бвенге, функционерка на бунтовничката администрација.

Претходно беше објавено дека во пожарот загинале најмалку 17 лица.

Бвенге изјави дека две училишта и околу 300 дрвени куќи биле уништени во пожарот, а меѓу загинатите имало 19 девојчиња и пет момчиња.

Бвенге е заменик-гувернер на покраината Јужен Киву, каде што се наоѓа градот Букаву, а бунтовничката администрација е назначена од движењето AFC/M23, со поддршка на Руанда.

Движењето AFC/M23 соопшти дека е во тек истрага за причината за пожарот.

Бунтовниците го освоија Букаву за време на молскавичниот напредок низ источен Конго на почетокот на минатата година.сд/

Фото:Икс