Богоев: Да се обединиме околу членството во ЕУ, имаме идеална можност да успееме до 2030 година
Скопје, 25 септември 2023
За одредени прашања треба да се обединиме сите, без разлика на партиска припадност, национална или верска, имаме идеална ситуација и можност да успееме со отворање на поглавја и членство во ЕУ до 2030 година, порача потпретседателот на СДСМ, Стефан Богоев денеска во емисијата „Здраво Македонијо“ на Канал 5 телевизија.
-Ние како народ често сме знаеле да се обединиме околу одредени теми. Добро е да се обединиме, без разлика на партиска, верска или партиска припадност околу членството во ЕУ, имаме идеална можност за отворање поглавја и членство во ЕУ до 2030 година. Искуството од Бугарија, Романија и Хрватска покажува дека во првите години од нивното членство во ЕУ имаат сериозно зголемување на платите, инвестициите, економиите, што значи повеќе пари кај луѓето. Можеме и ние тоа да го постигнеме, сите заедно, рече Богоев на Канал 5 Телевизија.
Центар на комуникации на СДСМ
___________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.
