Мадрид, 29 април 2025 (МИА) - Операторот на електроенергетската мрежа во Шпанија, Ред Електрик (РЕЕ) по големиот дефект на електроенергетскиот систем на Пиринејскиот Полуостров, денеска вети дека ќе ги зајакне енергетските врски со Франција, вклучително и преку Бискајскиот Залив.

Шефот на операциите на системот РЕЕ, Едуардо Прието изјави дека поголемата поврзаност со другите оператори ќе го направи електроенергетскиот систем на Шпанија постабилен и посигурен.

Француската компанија РТЕ, која управува со француската електроенергетска мрежа, вчера ги негираше извештаите дека вчерашниот прекин на електричната енергија во Шпанија и Португалија наводно бил предизвикан од пожар на далновод меѓу градовите Нарбон и Перпињан во Франција. рп/

Фото: МИА архива