0_Македонија.ПорталПарламентарни избори 2020ПолитикаПолитички партии

Стојаноска: Власта не го исполни ветувањето за реализација на патот Желино – Јагуновце

Дафина Стојаноска, носител на изборната единица 6 од ВМРО-ДПМНЕ денеска ја посети општина Јегуновце, при што најпрвин посочи дека земјоделците не биле задоволни од исплатите на субвенциите, а централната власт не ги реализирала дадените ветувања како патот Желино - Јагуновце.

Скопје, 28 јуни 2020 (МИА) – Дафина Стојаноска, носител на изборната единица 6 од ВМРО-ДПМНЕ денеска ја посети општина Јегуновце, при што најпрвин посочи дека земјоделците не биле задоволни од исплатите на субвенциите, а централната власт не ги реализирала дадените ветувања како патот Желино – Јагуновце.

-Се наоѓам пред една вистина на Зоран Заев оставена во општина Јегуновце, поради кое што е овој молк позади мене. Исто така се обврзав и дека нема да напаѓам, но жителите на општина Јегуновце ме замолија од нивно име да го потсетиме Зоран Заев дека „Југохром“ не го рестартира ниту во 2018, ниту во 2019, нити во 2020 година, истакна Стојаноска.

Таа при своето обраќање посочи дека исто така и земјоделците не биле задоволни од исплатите на субвенциите и од исплатата на оштетите од поплавите и дека локалната власт исто како и централната власт не ги реализирала дадените ветувања како патот Желино-Јегуновце или регулацијата на речното корито на Вардар.

-Токму поради сето ова овие луѓе на 15 јули ќе изберат обнова наместо измами. Обновата доаѓа, порача Стојаноска. бт/aa/

Таг
Back to top button
Close
Close