Дописници МКДОпштество

ССОУ „Киро Бурназ“ од Куманово од наредната учебна година ќе стане Регионален центар за стручно образование

Средното стручно општинско училиште „Киро Бурназ“ Куманово од наредната учебна година ќе функционира како Регионален центар за стручно образование и обука, најавија денеска надлежните од училиштето. Во декември лани и Владата донесе одлука, ова училиште лоцирано во рурална средина да биде регионален центар за стручно образование и обука во рамки на североисточниот регион.

Куманово, 23 јуни 2020 (МИА) – Средното стручно општинско училиште „Киро Бурназ“ Куманово од наредната учебна година ќе функционира како Регионален центар за стручно образование и обука, најавија денеска надлежните од училиштето. Во декември лани и Владата донесе одлука, ова училиште лоцирано во рурална средина да биде регионален центар за стручно образование и обука во рамки на североисточниот регион.

Директорката на Средното училиште Весна Трајковска истакна дека освен редовна настава за учениците преку бројните струки, училиштето ќе понуди и неформално образование за возрасни, преквалификација за одредени струки. посочи дека концептот за развивање на регионални центри со опфат на формалното, неформалното образование на возрасните е изработено на иницијатива на Министерството за образование и наука, а се реализира со поддршка од Европската фондација за обука.

– Училиштето е преориентирано да стане Регионален центар за стручно образование и обука за два сектора, земјоделство, рибарство и ветеринарство и хемија и технологија. Меѓутоа, анализите коишто беа направени пред да премине нашето училиште во Регионален центар покажаа дека во овој регион има потреба и за отворање на секторот градежништво, така што ќе настојуваме во наредните години да го имплементираме и овој сектор. Она што е битно за нашиот регионален центар е дека на овој начин ќе имаме соработка со Агенцијата за вработување, со општините, со бизнис секторот во општините и врз основа на барањата на овие сектори ќе имаме можност и да ги задоволиме нивните потреби но повеќе во обука на возрасни, рече Трајковска.

При утврдувањето на функциите за секој Регионален центар за стручно образование и обука може да има различност во секој регион земајќи ги предвид локалните карактеристики. Функциите се базираат на образовните приоритети и потребите на пазарот на труд на национално и регионално ниво. Центарот ќе биде должен да обезбеди 30-тина функции раководење со простории, опрема, стручно усовршување, мобилност на кадарот, анализа и идентификација на потреби за работна сила и вештини на пазар на трудот во целиот регион, иницирање измена на наставни планови и програми.

Основно ќе биде и остварување на средби со бизнис заедницата која на ниво на регион има специфични барања за стручни кадри. Врз основа на барањата на пазарот на трудот во соработка со МТСП и со Агенцијата за вработување да изработи, а потоа и да побара одобрување на програма ќе се определува бројот на кандидати кои ќе се преквалификуваат.ам/фф/

Провери го и ова

Close
Back to top button
Close
Close