0_Македонија.ПорталБизнисБизнис.ПорталЕкономија

ССМ испорача барања до Владата, премиерот ветува исполнување на оние кои реално може да се реализираат

Директна парична помош за работниците и компаните во најпогодените сектори, договорот на определено време да не биде подолг од една година и породилното отсуство да трае 12 месеци, се дел од барањата кои денеска Сојузот на синдикати на Македонија ги испорача до Владата предводена од премиерот Зоран Заев. Синдикатот бара и сабота и недела да бидат прогласени за неработни денови и да се воведат повеќе услови за пензионирање. Премиерот Заев и економскиот тим на Владата вети минимална плата од 20 илјади денари, предвремено пензионирање до пет години, недела да биде неработен ден и нов закон за работни односи кој ќе ги содржи европските стандарди.

Скопје, 7 септември 2020 (МИА) – Директна парична помош за работниците и компаните во најпогодените сектори, договорот на определено време да не биде подолг од една година и породилното отсуство да трае 12 месеци, се дел од барањата кои денеска Сојузот на синдикати на Македонија ги испорача до Владата предводена од премиерот Зоран Заев.

Синдикатот бара и сабота и недела да бидат прогласени за неработни денови и да се воведат повеќе услови за пензионирање.

Премиерот Заев и економскиот тим на Владата вети минимална плата од 20 илјади денари, предвремено пензионирање до пет години, недела да биде неработен ден и нов закон за работни односи кој ќе ги содржи европските стандарди.

За овие барања двете страни ќе разговараат денеска на состанок во Сојузот на синдикати.

Претседателот на ССМ Дарко Димовски е оптимист дека нивните барања ќе бидат прифатени од извршната власт бидејќи, како што изјави, барањата се реални.

Премиерот вети дека ќе бидат прифатени оние барања кои реално во моментот може да се реализираат. бак/ац/

 

 

 

Провери го и ова

Close
Back to top button
Close
Close