0_Македонија.ПорталПолитика

Спасовски: Продолжуваме да ги унапредуваме односите и соработката меѓу Северна Македонија и Руската Федерација

Преодната Влада на Северна Македонија ги има сите овластувања да обезбеди континуитет на политиките и процесите од интерес на земјата и граѓаните, меѓу кои свое место има и продлабочување на соработката со Руската Федарација, порача денеска премиерот Оливер Спасовски на средбата со амбасадорот на Руската Федерација, Сергеј Баздникин.

Скопје, 17 јануари 2020 (МИА) – Преодната Влада на Северна Македонија ги има сите овластувања да обезбеди континуитет на политиките и процесите од интерес на земјата и граѓаните, меѓу кои свое место има и продлабочување на соработката со Руската Федарација, порача денеска премиерот Оливер Спасовски на средбата со амбасадорот на Руската Федерација, Сергеј Баздникин.
Како што соопшти владината прес-служба, претседателот на Владата, Спасовски на гостинот му посочил дека сите отпочнати процеси на дипломатиите на двете земји, особено проектите од взаемен интерес иницирани од Меѓувладината комисија за трговско-економска и научно-техничка соработка меѓу Република Северна Македонија и Руската Федерација ќе продолжат да се реализираат согласно договорените планови и динамика.

-На средбата премиерот Спасовски на амбасадорот Баздникин му предаде писмо со честитки до новоизбраниот претседател на Владата на Руската Федерација Михаил Машустин, со желби за успех во извршувањето на должноста и позитивни резултати кои ќе продонесат за натамошен сестран напредок на Руската Федерација и за благосостојба на пријателскиот руски народ, се наведува во владиното соопштение.

Премиерот го запознал амбасадорот со приоритетите на Владата, при што ги нагласил организацијата и спроведувањето на предвремените избори, како и евро-атлантските и европските интеграции. бк/ац/

Back to top button
Close
Close