0_Македонија.ПорталПарламентарни избори 2020ПолитикаПолитички партии

Спасовски на средби со арачиновци: Со коалицијата „Можеме” сме на правиот пат

Носителот на листа во изборната единица 2, Оливер Спасовски, попладнево е на средби во општината Арачиновоm, соопштија од СДСМ, од каде додаваат дека како партија во регионот на ИЕ2 реализирале конкретни проекти, со што покажале дека се грижаат за сите.

Скопје, 29 јуни 2020 (МИА) – Носителот на листа на коалицијата предводена од СДСМ во Втората изборна единица, Оливер Спасовски, попладнево имаше средби во општината Арачиново, при што посочи дека неговата партија во регионот на ИЕ2 реализирала конкретни проекти, со што покажала дека се грижи за сите.

– За изградба и реконструкција на водоводна и канализациона мрежа, само во општините во ИЕ 2 вложивме 814 милиони 441 илјада 489  денари. Интензивно работиме на локалната инфраструктура во целата држава и сме во фаза на отпочната изградба на дополнителни 500 киломенти водоводи и канализации. Ниту еден капитален проект не дозволивме да запре за време на здравстено-економската криза и продолжуваме и повеќе и подобро со цел 34.000 денари просечна плата и 20.000 денари минимална плата во следниот мандат, нови работни места, повисоки пензии и уште поголема поддршка за младите луѓе“, рече Спасовски.

Тој разговараше со жители на Арачиново кај шеталиштето и на локацијата каде што се гради фекалната канализација, а беше и на средби со жители на село Грушино.

– Во средбите што ги имав досега ми велат ваши сожители, ви даваме беса – збор, дека во 2016 ја добивме битката со режимот и на овие избори ќе ја добиеме заедно битката да продолжиме по правиот пат, за сигурна иднина на сите, бидејки и за вас зборот е збор, што зборувате, го преточувате во дела. И тоа е предноста на СДСМ и коалицијата „Можеме“ на овие избори. Ние се грижиме за сите – тие за своите џебови, ние градиме – тие крадат, ние сплотуваме – тие делат, рече Спасовски.

Тој со жителите на Арачиново и Грушино разговараше за досега реализираните проекти и за инвестициите планирани за наредниот период.

– Градиме канализациски систем долг над 10 километри во Арачиново, за којшто инвестираме 106 милиони денари, почнати се подготовките за проектот. Водоводот ги поврзува и околните села Орланци, Мојанци и Грушино. И Арачиново добива градинка. За само три години инвестиравме во 44 градинки во државава. Следуваат нови капитални инвестиции низ целата држава и во Арачиново, затоа што тие се моторот на економијата, а нашата цел е нова развојна македонска економија. Ние градиме сигурна иднина, можеме и повеќе и подобро и продолжуваме заедно по правиот пат“ рече Спасовски, кој пиеше и чај со жители на Општината. оџ/сп/

Back to top button
Close
Close