0_Web_Избор на уредникот0_Web_Насловна-слајдер0_Македонија.ПорталMakedonija.SlajderВидеоПолитика

Спасовски и Заев се сретнаа со вселенскиот патријарх г.г. Вартоломеј во седиштето Цариградската патријаршија во Истанбул

Претседателот на Владата на Република Северна Македонија, Оливер Спасовски, во придружба на претседателот на СДСМ, Зоран Заев, и директорот на Комисијата за односи со верските заедници и религиозни групи Даријан Сотировски денеска остварија средба со вселенскиот патријарх г.г. Вартоломеј во седиштето на Цариградската патријаршија во Истанбул.

Скопје, 13 јануари 2020 (МИА) – Претседателот на Владата на Република Северна Македонија, Оливер Спасовски, во придружба на претседателот на СДСМ, Зоран Заев, и директорот на Комисијата за односи со верските заедници и религиозни групи Даријан Сотировски денеска остварија средба со вселенскиот патријарх г.г. Вартоломеј во седиштето на Цариградската патријаршија во Истанбул.

На средбата, како што соопшти владината прес-служба, која се оствари како резултат на поканата што вселенскиот патријарх ја упати до Зоран Заев додека беше премиер на Владата на нашата земја, техниничкиот премиер Спасовски на поглаварот на Цариградската патријаршија му го честита празникот Христовото раѓање – Божик, со желби за здравје и сила, во мир и спокој да продолжи, како прв меѓу еднаквите во Православната црква, да ги обединува сите сестрински цркви.

– Средбата во седиштето на Цариградската патријаршија се одржа во пријатна атмосфера и во срдечниот разговор беше изразена надеж дека и оваа година патријархот Вартоломеј, во духот на толеранцијата и разбирањето, ќе продолжи да поттикнува дијалог за наоѓање решенија за сите прашања со кои се соочуваат православниот свет и верниците, се додава во соопштението од владината прес-служба.

Заев на средбата изразил очекување дека заемната комуникација со Цариградската патријаршија ќе продолжи и во иднина во интерес на сите православни верници во државата.

Премиерот Спасовски и претседателот на СДСМ Заев на средбата упатиле покана патријархот Вартоломеј, кој ужива голема почит и силна поддршка од сите православни верници во нашата држава, да ја посети Северна Македонија и да се сретне со верниците од православна вероисповед. дма/ац/

Back to top button
Close
Close