0_Македонија.ПорталПолитички партии

Соопштение на СДСМ за економските мерки на Владата

Економските мерки на Владата предводена од СДСМ носат нова развојна економија и силна поддршка за граѓаните и стопанството

Скопје, 6 јуни 2020
Економските мерки на Владата предводена од СДСМ носат нова развојна економија и силна поддршка за граѓаните и стопанството

Третиот пакет економски мерки ќе овозможи заживување на македонската економија преку директна финансиска поддршка на граѓаните.

Новиот сет мерки на Владата предводена од СДСМ, во вредност од 355 милиони евра опфаќа 730 000 корисници и ќе стимулира зголемување на ликвидноста, заштита, промоција и раст на домашната економска понуда, а нуди и поддршка и за земјоделците, како и поддршка на домашниот туризам.

Дел од третиот пакет економски мерки се платежните картички кои значително ќе им помогнат на граѓаните во услови на криза и ќе ја зајакнат продажбата на домашните производи.

Со ваа мерка, се зголемуваат безготовинските плаќања , што ќе придонесе и за намалување на сивата економија.

Домашната платежната картичка во износ од 9.000 денари, е наменета за невработените лица и примателите на социјална помош.

Економските мерки имаат за цел да го го помагаат домашниот туризам, така што вработените со примања до 15.000 денари месечно ќе добијат ваучер за домашен туризам од 6.000 денари и домашна платежна картичка од 3.000 денари.

Младите ќе добијат парична поддршка од 6.000  денари и домашна платежна картичка вредна 3.000 денари, како и ваучери за кофинансирање на обуки, тренинзи и курсеви за ИТ и дигитални вештини.

Третиот пакет економски мерки е директна поддршка за македонското стопанство, за иновативност, развој и зачувување на постојните и а отворање нови работни места.

Владата предводена од СДСМ ќе стави на располагање финансиски средства за поддршка  на Старт ап и мали и микро компании преку комерцијални банки со 10 милиони евра иницијален капитал.

По завршување на здравствената криза земјоделството треба да биде целосно подготвено, бидејќи токму овој сектор во периодот што следува ќе има голем удел во заживувањето на нашата економија. Токму затоа соглансо економските мерки, аграрниот сектор ќе биде поддржан со 5 милиони евра преку Развојната банка..

СДСМ како одговорна партија, ќе продолжи и натаму со изнаоѓање конструктивни решенија за полесно пребродување на кризата, водејќи се од интересот на граѓаните како главен приоритет.

 

Со почит,

СДСМ

__________________________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки

Back to top button
Close
Close