BotëBotë.PortalSvet.Slajder

Sondazh/SHBA: Gati gjysma e amerikanëve nuk do të marrin vaksinë kundër Kovid-19

Gati gjysma e amerikanëve, ose 49 për qind, deklaruan se nuk do të marrin vaksinë  kundër koronavirusit të ri nëse do të ishte e arritshme sot, ndërsa 51 për qind  janë me qëndrim se "definitivisht ose me siguri" do ta bëjnë atë, sipas hulumtimit të Qendrës për hulumtime Pju të realizuar në fillim të këtij muaji.

Nju-Jork, 18 shtator 2020 (MIA) – Gati gjysma e amerikanëve, ose 49 për qind, deklaruan se nuk do të marrin vaksinë  kundër koronavirusit të ri nëse do të ishte e arritshme sot, ndërsa 51 për qind  janë me qëndrim se “definitivisht ose me siguri” do ta bëjnë atë, sipas hulumtimit të Qendrës për hulumtime Pju të realizuar në fillim të këtij muaji.

Dyzet e nëntë për qind kanë deklaruar se “nuk” do ta marrin vaksinën për shkak të brengës nga efektet e padëshiruara.

Besimi i opinionin  në vaksinën për Kovid-19 e cila është pothuajse tashëm në treg është në rënie të madhe. Në maj,  në anketën e Pju 72 për qind e amerikanëve kanë deklaruar se  do të vaksinohen nëse vaksina është e arritshme.

Vetëm 21 për qind e të anketuarve  për këtë muaj kanë thënë se “definitivisht” do ta marrin vaksinën.

Hulumtimi i mëparshëm i Pju zbuloi se 77 për qind e amerikanëve besojnë që vaksinat në zhvillim në SHBA me siguri  do të lejohen para sigurisë dhe efikasitetit të tyre të bëhen tërësisht të kuptueshme.

Shtatëdhjetë e tetë për qind prej mbi 10.000 pjesëmarrësve në anketë, si brengë më të madhe citojnë se aprovimi i vaksinës do të shkojë shumë shpejtë  dhe nuk do të ketë siguri dhe efikasitet.

Për krahasim, vetëm 20 për qind kanë thënë se  janë më të brengosur se aprovimi do të jetë shumë i ngadalshëm.

SHBA-ja ka më së shumti raste të të infektuarve nga e gjithë bota – 6,6 milion, pastaj vijojnë India me 5,1 milion raste dhe Brazili me 4,4 milion. sa/

Back to top button
Close
Close