Kultura.SlajderКултураКултура.ПорталОпштествоСкопје

Скопјани му оддадоа почит на Балашевиќ пред Универзалната сала

На платото пред Универзалната сала во Скопје вечерва се собраа неколку стотици граќани за му оддаваат почит на пејачот и кантавтор Ѓорѓе Балашевиќ, кој почина вчера во Нови Сад на 67-годишна возраст.

Скопје, 20 февруари 2021 (МИА) – На платото пред Универзалната сала во Скопје вечерва се собраа неколку стотици граќани за му оддаваат почит на пејачот и кантавтор Ѓорѓе Балашевиќ, кој почина вчера во Нови Сад на 67-годишна возраст.

На настанот насловен „Скопје за Балашевиќ“ на голем видео бим се редаа фотографии на Балашевиќ, додека во исто време во позадина се слушаа неговите најголеми хитови.

Присутните обожаватели на „панонскиот морнар“ од сите генерации оставаа цвеќе, играчки и палеа свеќи, споделувајќи спомени за Балашевиќ.

Организатор на настанот е Град Скопје.

Градоначалникот на Скопје Петре Шилегов својот профил на Фејсбук објави дека на последната средба со Балашевиќ договарале тој да настапи при повторното отворање на Универзалната сала.

– Денес губам дел од својата душа. Денес губам дел од себе. Нашата задња слика друже. На твоето последно доаѓање во Скопје. А договаравме да ја отвориш Универзална…, наведува Шилегов во објавата. сп/

Провери го и ова

Close
Back to top button
Close
Close