СветСвет.Портал

Си и Трамп: Кина е способна да ја спречи епидемијата на коронавирусот

Кинескиот претседател Си Џинпинг во телефонски разговор со американскиот претседател Доналд Трамп рече дека Кина „во целост е способна“ да ја спречи епидемијата на коронавирусот.

Пекинг, 7 февруари 2020 (МИА) – Кинескиот претседател Си Џинпинг во телефонски разговор со американскиот претседател Доналд Трамп рече дека Кина „во целост е способна“ да ја спречи епидемијата на коронавирусот.

Како што пренесуваат кинеските медиуми, Трамп од своја страна „изрази уверување“ во способноста на Кина да се соочи со предизвикот од епидемијата на коронавирусот, изјави портпарол на Белата куќа.

Си рече дека Кина започна „народна војна“ против епидемијата воспоставувајќи „национална мобилизација“ и „најостри мерки за спречување и контрола“, пренесе кинеската телевизија.

Си упати апел до САД „разумно“ да реагираат на епидемијата, пренесуваат кинеските медиуми.

Бројот на лица кои досега починаа со последици од коронавирусот во Кина надмина 630, а вкупно се заразени повеќе од 31.000. паг/

Таг
Back to top button
Close
Close