BotëBotë.PortalSvet.Slajder

Shkencëtarët: Në SHBA deri më 1 dhjetor mund të vdesin 300.000 persona nga Kovid-19

Pothuajse 300.000 amerikanë mund të vdesin nga Kovid-19 deri më 1 dhjetor, sipas ekspertëve të shëndetit në Universitetin e Uashingtonit, edhe pse vlerësojnë se 70.000 jetë mund të shpëtohen nëse njerëzit i ndjekin rregullat e mbajtjes së maskave.

Çikago, 8 gusht 2020 (MIA) – Pothuajse 300.000 amerikanë mund të vdesin nga Kovid-19 deri më 1 dhjetor, sipas ekspertëve të shëndetit në Universitetin e Uashingtonit, edhe pse vlerësojnë se 70.000 jetë mund të shpëtohen nëse njerëzit i ndjekin rregullat e mbajtjes së maskave.

“Në SHBA e shohim një tren tmerri. Duket se njerëzit mbajnë maska ​​dhe largohen më shpesh nga shoqërimi, derisa infeksionet rriten, ndërsa pasi që infeksionet ulen, njerëzit qetësohen dhe ndalen”, deklaroi dr. Kristofer Marej, drejtor i IHME, duke e publikuar parashikimin e fundit të universitetit.

Numri zyrtar i vdekjeve në SHBA është mbi 159.000, ndërsa 4.8 milionë janë të infektuar.

IHME kumtoi se infeksionet po biejnë në ish-epiqendrat – Arizona, Kalifornia, Florida dhe Teksas, por po rriten në Kolorado, Ajdaho, Kanzas, Kentaki, Misisipi, Misuri, Ohajo, Oklahoma, Oregon dhe Virxhinia. mb/

Back to top button
Close
Close