0_Спорт.ПорталSport.SlajderРакометРезултати

СЕХА-лига: Вардар го совлада Татран и го обезбеди првото место во групата

Македонскиот ракометен шампион Вардар вечерва во СЦ „Јане Сандански“ го совлада словачкиот тим Татран Прешов со 28:26 и на едно коло до крајот во групната фаза го обезбеди првото место во А-групата.

Скопје, 9 декември 2019 (МИА) – Македонскиот ракометен шампион Вардар вечерва во СЦ „Јане Сандански“ го совлада словачкиот тим Татран Прешов со 28:26 и на едно коло до крајот во групната фаза го обезбеди првото место во А-групата.

Иако ослабени без неколку стандардни првотимци, „црвено-црните“ кои се бранители на трофејот во регионалното натпреварување, успеаја да ги освојат трите бода, откако на почетокот на второто полувреме ја започнаа серијата од 10:2 и негативата од 13:18 ја претворија во позитива 23:20.

Најефикасни во победничката екипа беа Иван Чупиќ, Павел Атман и Данил Шишкарев со по пет погодоци.

Јанус Лапајне со шест гола се истакна кај Татран.

На табелата Вардар е прв со 21 бод, Мотор Запорожје има 18, Татран е трет со 15, следува Војводина со 15, Нексе има 6, Пекинг Универзитет е последен без освоен бод. зс/

Back to top button
Close
Close