Дописници МКДОпштински вести

Се санираат штетите од невремето во пехчевскиот регион

Во пехчевскиот регион се санираат штетите од вчерашниот силен ветар што го зафати градот и околните села. Ветрот што дуваше со над 100 километри на час, откорна многу стари дрвја, меѓу кои и најстариот чемпрес во градот.

Пехчево, 6 април 2020 (МИА) – Во пехчевскиот регион се санираат штетите од вчерашниот силен ветар што го зафати градот и околните села. Ветрот што дуваше со над 100 километри на час, откорна многу стари дрвја, меѓу кои и најстариот чемпрес во градот.

Денеска во организирана акција надлежните за справување со вакви ситуации истиот го отстранија, заедно со двете дрвја кои паднаа во дворот на старата амбуланта.

– Добро е што во целата ситуација немаше човечки жртви. Ветерот кој беше навистина силен направи голема штета на дел од имотите на граѓаните, за што денес се организиравме да им помогнеме во расчистување на штетата, велат учесници во акцијата.

За најпогодените од невремето предвидена е помош од општината.

– Сите оние кои имаат штета да ја пријават истата кај надлежните институции како би можеле во најбрзо време да им помогнеме, истакнаа вработени во Единицата на локалната самоуправа.

Меѓу погодените од силниот ветар се и неколку семејства од село Црник кои останаа без дел од кровната конструкција. За нив најавена е помош во ќерамиди, за враќање на нивните кровови во првобитната состојба. вс/цр

Провери го и ова

Close
Back to top button
Close
Close