0_Македонија.ПорталПолитички партии

СДСМ: Законот за ЈО е последната шанса за ВМРО ДПМНЕ да покаже дали е за ЕУ и правна држава

Ниту еден политички субјект нема право да ја држи земјата во заложништво, како што тоа го прави ВМРО ДПМНЕ со Законот за Јавно обвинителство.  

Скопје, 27 јануари 2020

Ниту еден политички субјект нема право да ја држи земјата во заложништво, како што тоа го прави ВМРО ДПМНЕ со Законот за Јавно обвинителство.

Сите демократски капацитети во државата и нашите стратешки меѓународни сојузници го поддржуваат законското решение за Јавното обвинителство кое обезбедува независност и професионалност на јавните обвинителства.

Законот за Јавно обвинителство е последната шанса на ВМРО-ДПМНЕ да покаже дали навистина е за ЕУ и за неселективно владеење на правото.

Таа последна шанса е утре, кога започнува јавната собраниска дебата за Законот кога ВМРО-ДПМНЕ има можност да покаже дека навистина се грижи за владеење на правото, за стручни, ефикасни и независни обвинители и за процесуирање на сите кривични дела поврзани со висока корупција.

Во спротивно, ВМРО-ДПМНЕ ќе остане запаметена како партија која е против правдата, против независно судство и на браникот на криминалците.

Колку тоа да не им се допаѓа на ВМРО-ДПМНЕ и Христијан Мицкоски политиката мора да остане надвор од изборот на обвинителите за да се остави простор за независно, стручно и објективно постапување. Тоа ќе го постигнеме само ако се донесе Законот за јавно обвинителство.

Центар за комуникации со јавноста на СДСМ

___________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.

Таг
Back to top button
Close
Close