СветСвет.Портал

Руски и ирански трупи во заедничка антитерористичка вежба

Припадници на Руското воено воздухопловство и противвоздушната одбрана, заедно со Црноморската флота, ќе одржат заедничка антитерористичка вежба со иранската морнарица за време на стратешките маневри Кавказ 2020 година, соопшти денеска руското Министерство за одбрана.

Москва, 21 септември 2020 (МИА) – Припадници на Руското воено воздухопловство и противвоздушната одбрана, заедно со Црноморската флота, ќе одржат заедничка антитерористичка вежба со иранската морнарица за време на стратешките маневри Кавказ 2020 година, соопшти денеска руското Министерство за одбрана.

Во соопштението се наведува дека трупите ќе работат на изолирање, блокирање и елиминирање на областите каде што се стационирани илегални вооружени формации на меѓународните терористички организации.

Министерството додава дека руските и иранските сили, исто така, ќе вежбаат и блокада на воздушните и морските патишта за снабдување со оружје на нелегални вооружени формации.

Во руската стратешка воена вежба Кавказ 2020 учествуваат околу 80.000 луѓе, а се спроведува на повеќе полигони за обука во Јужната воена област. јт/

Таг
Back to top button
Close
Close