0_Maqedoni.PortalPolitikë

Ruçi ia uroi zgjedhjen për kryetar të Kuvendit Xhaferit dhe e ftoi për vizitë në Tiranë

Kryetari i Parlamentit shqiptar, Gramoz Ruçi, ia uroi rizgjedhjen për spiker të Parlamentit të Maqedonisë, Talat Xhaferit duke vlerësuar se rizgjedhja e tij është konfirmim për pjekurinë dhe emancipimin e elitës politike shqiptare në Republikën e Maqedonisë së Veriut.

Tiranë, 21 gusht 2020 (MIA) – Kryetari i Parlamentit shqiptar, Gramoz Ruçi, ia uroi rizgjedhjen për spiker të Parlamentit të Maqedonisë, Talat Xhaferit duke vlerësuar se rizgjedhja e tij është konfirmim për pjekurinë dhe emancipimin e elitës politike shqiptare në Republikën e Maqedonisë së Veriut.

“Me rastin e rizgjedhjes Kryetar i Kuvendit të Republikës së Maqedonisë së Veriut, ju dërgoj urimet më të mira të Kuvendit të Shqipërisë dhe të miat personale. Rizgjedhja Juaj në këtë detyrë të lartë është një tregues i lidershipit Tuaj të sprovuar, vizionar, të matur dhe të balancuar, gjatë katër viteve të legjislaturës së kaluar në Republikën e Maqedonisë së Veriut. Rizgjedhja Juaj është gjithashtu një tregues i pjekurisë dhe emancipimit të elitës politike shqiptare në Maqedoninë e Veriut dhe i përgjegjësive të saj për konsolidimin e demokracisë, ndërtimin e një shoqërie të drejtë, zhvillimin ekonomik e shoqëror dhe përshpejtimin e proceseve integruese euro-atlantike të Maqedonisë së Veriut” qëndron në urim.

Shpreh bindjen se rritja dhe fuqizimi i përfaqësimit politik do t’í shërbejë përmirësimit të mirëqenies dhe nxitjes e zgjerimit të përfshirjes së shqiptarëve në të gjitha nivelet dhe institucionet e Republikës së Maqedonisë së Veriut.

“Jam gjithashtu i bindur se bashkëpunimi shumë i suksesshëm midis Kuvendit të Republikës së Shqipërisë dhe Kuvendit të Republikës së Maqedonisë së Veriut do të rifillojë shumë shpejt dhe kam kënaqësinë t’ju ftoj për një vizitë zyrtare në Shqipëri, në një kohë sa më të afërt dhe në përputhje edhe me agjendën tuaj”, shkruhet në mesazhin e urimit të Kryetarit të Kuvendit, Gramoz Ruçi.

Провери го и ова

Close
Back to top button
Close
Close