0_Спорт.ПорталSport.SlajderФудбал

Роналдо изедначи светски рекорд

Капитенот на Португалија, Кристијано Роналдо синоќа против Франција беше двоен стрелец на натпреварот од Европското првенство Ф-група. Тој ги реализира двата пенала и изедначи светски рекорд.

Будимпешта, 24 јуни 2021 (МИА) – Капитенот на Португалија, Кристијано Роналдо синоќа  против Франција беше двоен стрелец на натпреварот од Европското првенство Ф-група. Тој ги реализира двата пенала и изедначи светски рекорд.

Триесет и шестгодишниот напаѓач стигна до 109 голови за националниот тим, исто колку што има и поранешниот ирански репрезентативец Али Даеи.

Роналдо стана и прв стрелец во историјата на Мундијалите и Европските првенства. Португалецот, кој постигна седум гола на светските првенства и 14 на континенталните, го престигна Мирослав Клосе, кој го држи рекордот за голови на светските шампионати – 16.

Кристијано стана првиот играч кој играл на пет Европски првенства по ред. Учествуваше на ЕП 2004, по што редовно се појавуваше на теренот на следните турнири.

Роналдо исто така стана првиот играч во историјата на ЕВРО кој постигнал најмалку три гола на три различни турнири (ЕП 2012, ЕП 2016, ЕП 2020). зс/

Таг
Back to top button
Close
Close