Парламентарни избори 2020Политички партии

Реакција на техничката министерка Невенка Стаменковска Стојковски

Обидот на Градоначалникот на Општина Лозово да ги спречи вработените во јавниот сектор да пријават притисок е само потврда на сето она што го пишуваат за него како политичар, работодавец, но и како човек.

Скопје, 25 јуни 2020

Обидот на Градоначалникот на Општина Лозово да ги спречи вработените во јавниот сектор да пријават притисок е само потврда на сето она што го пишуваат за него како политичар, работодавец, но и како човек.

Имено, сакав да испратам заедничка порака со градоначалникот дека слободните, фер и демократски избори се наш заеднички императив и дека реалната изборна волја на граѓаните не смее да биде попречена. За жал, додека функционерите на СДСМ декларативно повикуваат на фер и демократски избори, во исто време ги попречуваат сите искрени активности кои се преземаат во таа насока.

Сакам да ја известам јавноста дека денес преку допис добив одговор од градоначалникот на СДСМ од Лозово со кој ме известува дека тој не дозволува вработените слободно да можат да пријават притисок во простории на општината на настанот „Отворен ден со граѓаните“ кој е предвиден да се одржи утре од 14:30 до 15:30 часот. На овој начин, функционерите на СДСМ најдиректно порачуваат дека се против начелото за избори без притисок врз вработените во јавната администрација, а градоначалникот покажува дека сите пишувања во медиумите не се без основа.

Нема да дозволам злоупотреби на администрацијата и нема компромис на одржувањето на слободни, фер и демократски избори. Ќе потсетам дека законот е јасен и дека секој кој ќе се дрзне врши притисок и заплашување на гласачите ќе одговара со казна затвор од три до пет години.

Почитувани,

„Отворен ден со граѓаните“ утре ќе има, дали пред или во општината. Банерот за фер избори ќе биде во Лозово, а на вработените во Општина Лозово и јавниот сектор им порачуваме дека во нас имаат партнер кој ќе им овозможи без страв да го остварат своето избирачко право. Го сакале тоа од СДСМ или не.

Кабинет на Дополнителен заменик министер за информатичко општество и адмнистрација

__________________________________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.

Провери го и ова

Close
Back to top button
Close
Close