BallkanBallkan.Portal

Rama: Qëndrimi i Makronit është sinjal pozitiv, por nuk ka hapësirë për eufori

Premtimi i dhënë sot nga presidenti francez Emanuel Makron për një "Po" për negociatat në samitin e Zagrebit nëse raporti i Komisionit Evropian do të jetë pozitiv për kryeministrin Edi Rama është një hap pozitiv por s'ka vend për eufori

Tiranë, 15 shkurt 2020 (MIA) – Premtimi i dhënë sot nga presidenti francez Emanuel Makron për një “Po” për negociatat në samitin e Zagrebit nëse raporti i Komisionit Evropian do të jetë pozitiv për kryeministrin Edi Rama është një hap pozitiv por s’ka vend për eufori.

Nga qytetarët kërkoi durim dhe qetësi deri në vendimmarrjen e pranverës.

“Nuk e ndoqa dot presidentin se isha në takime të tjera por nga sa munda të dëgjoj është një sinjal pozitiv, megjithatë dëshiroj tu them të gjithëve se nuk kemi pse e ushqejmë veten me iluzione dhe dëshira të skajshme, edhe pse shumë legjitime, sepse kjo gjë nuk varet nga ne dhe le të presim me durim ndërkohë që duhet të vazhdojmë të punojmë me këmbëngulje dhe durim  për të realizuar gjërat ashtu siç do ti realizonim nëse do të ishin hapur negociatat”, tha ai.

Duke komentuar vizitën e tij në Munih, Rama tha se fokusi kryesor ka qenë përfshirja e sa më shumë vendeve në konferencën e donatorëve.

“Erdha me një qëllim të madh dhe një detyrë, të realizoja sa më shumë kontakte dhe të bëja sa më shumë në hapat e fundit drejt stacionit të konferencës së donatorëve që është pasnesër në Bruksel dhe më vjen mirë që koha u shfrytëzua me dobi në këtë aspekt. Tani të shikojmë rezultatet edhe pse ka ende orë për të punuar. Dhe detyra e kryetarit të OSBE për 2020”, tha Rama, njofton Ora njuz.

Por cilat janë rezultatet në këtë drejtim dhe çfarë pritshmërish ka kryeministri me përgjigje:

“Kam një pritshmëri të caktuar, nuk bëhet fjalë për të arritur për të përmbushur të gjitha nevojat por të mbetemi në një nivel që sado modest të mund të ketë një peshë në këtë proces. Nëse do ta realizojmë këtë ne do të jemi të kënaqur, nëse shkojmë përtej kësaj  ne do të jemi të lumtur”, tha ai. fab/

 

Таг
Back to top button
Close
Close