BallkanBallkan.PortalSvet.Slajder

Rama në Stamboll në konferencën donatore për sanimin e pasojave nga tërmeti katastrofik

Kryeministri i Shqipërisë, Edi Rama i cili qëndron në Stamboll, pas takimit me presidentin e Turqisë, Rexhep Taip Erdogan, së bashku marrin pjesë në konferencën donatore, që po mbahet në Stamboll, për ndihmën e tërmetit katastrofik në Shqipëri.

Tiranë, 8 dhjetor 2019 (MIA) – Kryeministri i Shqipërisë, Edi Rama i cili qëndron në Stamboll, pas takimit me presidentin e Turqisë, Rexhep Taip Erdogan, së bashku marrin pjesë në konferencën donatore, që po mbahet në Stamboll, për ndihmën e tërmetit katastrofik në Shqipëri.

Rama në konferencën me donatorët e vendosi theksin te tërmeti tragjik i 26 nëntorit në Shqipëri që la pas pasoja katastrofike.

Duke theksuar faktin se të gjithë janë solidarizuar me Shqipërinë në këto momente dramatike, kreu i qeverisë shqiptare deklaroi se i gjithë ky solidaritet është larg së qeni mjaftueshëm për atë që ka nevojë vendi për të kapërcyer tragjedinë.

“Presidenti Erdogan premtoi për të ndërtuar menjëherë 500 banesa, në tokën e plagosur të Shqipërisë, ndërsa unë kam ardhur këtu t’iu kërkoj të gjithëve të bashkoheni në këtë rrugëtim të dhimbshëm. Dëshiroj që katastrofa që po përballemi të kthehet në frymëzim, dhimbja të kthehet në forcë dhe shkatërrimi të shndërrohet në një peizazh të bukur në të ardhmen. Tërmeti shkatërrimtar, më i madhi, na ka sfiduar në mënyrë të pakrahasueshme me asnjë sfidë tjetër të historisë moderne. Ka përkulur dy qytetet më të rëndësishme, Tiranën dhe Durrësin. Xhamia madhështore në Durrës rrethohet nga rrënojat. Të dhënat tona janë tronditëse dhe shumica e ndërtesave të shkatërruara janë të ndërtuara dobët nga periudha komuniste, apo kur nuk kishte plan ndërtimi. Megjithatë, shumica e tyre janë struktura shumëkatëshe, që mbajnë me dhjetëra familje”, tha Rama në fjalimin e tij. mb/

Back to top button
Close
Close