СветСвет.Портал

Продолжуваат протестите во Либан и покрај најавата дека е формирана новата влада

Протестите во Либан продолжија и покрај најавата на новиот премиер Хасан Диаб дека е формирана влада со 20 министри, по еден месец политички застој.

Бејрут, 22 јануари 2020 (МИА) – Протестите во Либан продолжија и покрај најавата на новиот премиер Хасан Диаб дека е формирана влада со 20 министри, по еден месец политички застој.
Како што пренесуваат светските агенции, новата влада треба да ја спаси разнишаната економија.
Диаб (61), поранешен министер за образование и професор на Американскиот универзитет во Бејрут, кој има поддршка од моќното шиитско движење Хезболах, синоќа соопшти дека Либан сега има влада.

Тој нагласи дека владата е составена од технократи и дека ќе се стреми да ги исполни барањата на демонстрантите.

Во владата има шест жени, а првпат министерка за одбрана – Зеина Акар.

Министер за надворешни работи ќе биде дипломатот Насиф Хити.

Новата влада има непознати луѓе, многу професори и поранешни советници, но демонстрантите тврдат дека тие само претставуваат „димна завеса“ за досегашната политичка елита.

Групи демонстранти се собраа на улиците на Бејрут уште пред да се објави дека владата е формирана, блокирајќи ја главната улица во центарот на градот, при што десетици луѓе беа повредени во судирите со полицијата. паг/

 

 

 

 

 

 

 

Таг
Back to top button
Close
Close