0_Web_Насловна-слајдерBiznis.SlajderБизнисБизнис.ПорталЕкономија

Приходите во буџет забележаа раст, ревитализацијата на економијата со добра динамика

Приходите во Буџетот во јули годинава првпат од почетокот на коронакризата забележа месечен раст, а тоа укажува дека ревитализацијата на економијата се одвива со дробра динамика и очекувањата се дека во третиот и четвртиот квартал од годинава ќе има постепено опоравување на домашната економија.

Скопје, 5 август 2020 (МИА) – Приходите во Буџетот во јули годинава првпат од почетокот на коронакризата забележа месечен раст, а тоа укажува дека ревитализацијата на економијата се одвива со добра динамика и очекувањата се дека во третиот и четвртиот квартал од годинава ќе има постепено опоравување на домашната економија.

Според објавените податоци од Министерствто за финансии, вкупната наплата на приходи во јули изнесува 17,9 милијарди денари. Даночните приходи се наплатени во износ од 10,2 милијарди денари, или 1,7 проценти помалку од лани. Данокот на додадена вредност првпат од почетокот на кризата забележува раст во однос на минатата година од 1,2 проценти, што следи по падот во јуни од 7,5 проценти и високиот пад во мај и април од -33 и -43,5 проценти респективно. Се забележува и висок раст на увозните давачки од 18,3 проценти, понатаму раст на персоналниот данок од 0,4 проценти, додека помала наплата има кај акцизите и данокот на добивка.

Придонесите забележуваат раст од 11,9 приценти во однос на истиот месец лани, со што, според Министерството за финансии, продолжува добриот тренд на наплата на продонесите од јуни, кога беше забележана иста стапка на раст од 12,3 проценти. Оценуваат дека растот на придонесите во време на криза во голема мера може да се препише на мерките кои ги презема Владата односно поддршката од 14.500 ден по вработен заради исплата на платите за април, мај и јуни.

Придонесите бележат раст од 8,6 проенти во однос на истиот период лани, а заклучно со првото полугодие раст од 8 проценти.

На расходната страна заклучно со јули забележан е раст од 11,6 проценти на годишно ниво. Дефицитот заклучно со јули е реализиран 4,76 проценти од БДП и е согласно планираната динамика со Ребалансот.

– И покрај предизвиците со кои се соочува македонската економија, во услови на справување со КОВИД, извршувањето на буџетот се одвива по план. По реализацијата на вкупните приходи во јуни кои изнесуваа -9,6 отсто споредено со лани кога рестриктивните мерки почнаа да се олабавуваат и економската активност да заживува, позитивната реализација во јули со раст од 1,4 проценти говори дека заживувањето се одвива со добра динамика. Целта на Министерството за финансии е да обезбеди континуирано извршување на Буџетот, без застој, во законски утврдените рокови, односно вработените да земат плата, социјално загрозените да ги добијат навремено своите надоместоци, фирмите редовно да ги наплаќаат своите побарувања кон буџетските коирсници, да нема заостанати обврски, како и навремен поврат на данок. Тука се и мерките за КОВИД, поддршка која државата ја дава на граѓаните и фирмите, во согласност со можностите, преку домашната платежна картичка, преку субвенционраните плати и придонеси, преку одложувањата на плаќањата на даночните обврски, истакнува министерката за финансии Нина Ангеловска.

Уверува дека финансирањето на буџетот е обезбедено и во случај на евентуален втор бран на пандемијата. скс/бак/

Back to top button
Close
Close