СветСвет.Портал

Претседателски избори на Тајван

Граѓаните на Тајван денеска избираат претседател меѓу актуелната претседателка Цај Ингвен и националистичкиот кандидат Хан Кво-јуа, од што може да зависи демократската иднина на земјата.

Тајпеј, 11 јануари 2020 (МИА) – Граѓаните на Тајван денеска избираат претседател меѓу актуелната претседателка Цај Ингвен и националистичкиот кандидат Хан Кво-јуа, од што може да зависи демократската иднина на земјата.

Резултатите од гласањето се очекуваат доцна вечерва.

– Се надевам дека граѓаните ќе излезат да гласаат, изјави Цај откако гласаше во Тајпеј, додавајќи дека избирачите треба да го искористат своето право да ја зајакнат демократијата на Тајван.

Хан, пак, истакна дека Тајван треба да биде поотворен за преговори со Кина, за разлика од Цај која го отфрли мешањето на Пекинг.

Кина и Тајван се разделија во текот на граѓанската војна во 1949 година, но Пекинг и понатаму тврди дека има суверенитет врз островот и повремено се заканува дека ќе употреби сила за да ја преземе контролата доколку е потребно.

Островот, на кој живеат 23 милиони луѓе, функционира како суверена нација, издава сопствени пасоши, одржува сопствен воен и правен систем. гт/

Таг
Back to top button
Close
Close