Политички партии

Претседателот Заев на средба со претседателот на Европскиот совет Мишел: Силно сме мотивирани да продолжи европскиот курс на државата

Претседателот на СДСМ Зоран Заев денеска се сретна со Шарл Мишел, претседател на Европскиот Совет.

Скопје, 25 јануари 2020

Претседателот на СДСМ Зоран Заев денеска се сретна со Шарл Мишел, претседател на Европскиот Совет.

На средбата се разговараше за процесот на реформи, потребата од носење на Законот за јавно обвинителство, евроинтегративниот процес, како и за новата методологија за проширување на Унијата.

Претседателот Заев истакна дека сите институции се силно мотивирани да продолжи европскиот курс на државата со цел заокружување на интеграцијата во ЕУ, што е цел на сите граѓани на Република Северна Македонија.

– Уверени сме дека заедно можеме да го задржиме вистинскиот курс на реформи, добрососедство и економски развој. Се надеваме дека сите политички фактори ќе бидат на висина на својот дел од одговорноста, особено кога станува збор за европската иднина на државата, потенцираше претседателот Заев.

Од страна на претседателот на Европскиот Совет Шарл Мишел беше изложен јасен план за натамошно делување во насока на деблокирање на процесот на проширување и обединување на сите држави членки на ЕУ.

Центар за комуникации со јавноста на СДСМ

________________________________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.

Back to top button
Close
Close