БалканБалкан.ПорталДописници СветСвет.Слајдер

Повторно инциденти на грчко – турската граница меѓу мигрантите и полицијата

Со камења, дрва и разни предмети, насобраната група во неутралната зона на граничниот премин меѓу Грција и Турција, но од турска страна, ја нападнала грчката полиција, која одговорила со солзавец и шок бомби, за мигрантите и бегалците да се повлечат.

Атина, 1 март 2020 (МИА) – Со камења, дрва и разни предмети, насобраната група во неутралната зона на граничниот премин меѓу Грција и Турција, но од турска страна, ја нападнала грчката полиција, која одговорила со солзавец и шок бомби, за мигрантите и бегалците да се повлечат. Во инцидентот е повреден еден полицаец, јави дописничката на МИА од Атина.

Во обидот на грчката полиција да спречи нов влез на бегалци и мигранти на грчка територија, од камен фрлен од другата страна полесно е повреден полицаец во пределот на лицето и бил пренесен во болница каде што му била пружена прва помош.

Според грчките медиуми, полицијата употребила и цистерна со топови вода за растерување на насобраните групи, а од фрлените предмети на грчка страна, оштетени се две возила на војската. ср/ссм/

Back to top button
Close
Close