ОпштествоХроникаХроника.Портал

Поведена постапка за фалсификување потврда за ПЦР тест

Основното јавно обвинителство Скопје информира дека повело постапка против лице од гостиварското село Сенокос за кривичното дело  „фалсификување исправа“ согласно член 378 став 1 од Кривичниот законик.

Скопје, 14 јуни 2021 (МИА) – Основното јавно обвинителство Скопје информира дека повело постапка против лице од гостиварското село Сенокос за кривичното дело  „фалсификување исправа“ согласно член 378 став 1 од Кривичниот законик.

– На 17 март, 36-годишниот обвинет се обидел да ја напушти државата преку Меѓународниот аеродром Скопје, употребувајќи фалсификуван медицински сертификат за негативен тест на SARS-CoV-2 вирусот. Иако знаел дека не се тестирал и дека таков сертификат не е издаден од наведената болница, тој исправата ја употребил како вистинита пред аеродромските служби, информираат од гостиварското обвинителство.

Јавниот обвинител до Основниот кривичен суд Скопје поднесе Предлог за издавање казнен налог со кој предложи на обвинетиот да му биде изречена парична казна од 100 дневни глоби, а поединечната висина на дневната глоба да биде одредена на 20 евра во денарска противвредност.​​ оџ/сп/

Провери го и ова

Close
Back to top button
Close
Close