0_Спорт.ПорталSport.SlajderОстанато

Повеќе од 90 британски спортисти во пресрет на Олимпијадата во 2012 година зедоа експериментален лек развиен за американските специјални сили

Спортистите од Олимпискиот тим на Велика Британија зедоа експериментален лек развиен за војниците на американската армија во пресрет на Олимпијадата во Лондон 2012 година, објави „The Mail on Sunday“.

Лондон, 12 јули 2020 (МИА) – Спортистите од Олимпискиот тим на Велика Британија зедоа експериментален лек развиен за војниците на американската армија во пресрет на Олимпијадата во Лондон 2012 година, објави „The Mail on Sunday“.

Според истрагата на публикацијата, проектот го спровела владината агенција на Велика Британија одговорна за инвестирање во олимписки и параолимписки спортови. Неколку стотици илјади фунти од буџетот на земјата беа потрошени за таа намена.

Спортистите тестираа нова супстанција дизајнирана да ги подобри перформансите. Агенцијата подготви документи за ослободување од одговорност, а спортистите потпишаа согласност за необјавување на информации за учество во експериментот. Документите откриени за време на истрагата покажуваат дека 91 спортист од највисоко ниво од осум олимписки спортови добиле енергетски пијалак на марката „Делта Г“ кој содржи синтетичка верзија на кетони. Природна верзија на оваа киселина се синтетизира во црниот дроб и ја зголемува издржливоста.

Супстанцата првично беше развиена од научник на Универзитетот во Оксфорд со поддршка на Министерството за одбрана на САД за специјалните сили на САД, така што војниците можеа да издржат без храна подолго време.

Повеќе од 40% од спортистите кои го користеле пијалакот доживеале несакани ефекти, вклучувајќи повраќање и стомачни тегоби. Дваесет и осум спортисти од овие причини престанаа да учествуваат во експериментот, уште 24 лица го завршија своето учество, затоа што не го видоа ефектот на лекот.

Меѓу спортистите кои учествуваа на студиите беа претставници на атлетика, велосипедизам, пливање и други видови на спортови кои бараат голема издржливост.

Од 2018 година, „Делта Г“ се продава на пазарот како додаток во исхраната. зс/

Таг
Back to top button
Close
Close