Svet.SlajderСветСвет.Портал

Почина судијката на американскиот Врховен суд, Гинсбург

Судијката во американскито Врховен суд, Рут Бадер Гинсбург почина синоќа на 87-годишна возраст

Вашингтон, 19 септември 2020 (МИА) – Судијката во американскито Врховен суд, Рут Бадер Гинсбург почина синоќа на 87-годишна возраст.

Со тоа американскиот претседател Доналд Трамп ќе може да именува трет судија Врховниот суд пред претседателските избори.

Гинсбург, голем борец за правата на жените и икона на американските либерали, почина од рак на панкреасот во нејзиниот дом во Вашингтон.

Нејзиното заминување може дополнително да ја смени идеолошката рамнотежа во американскиот Врховен суд, во кој има пет конзервативни и четворица либерални судии.

Трамп досега именуваше двајца конзервативни судии – Нил Горшуч во 2017 година и Брет Кавано во 2018 година.

Судиите во Врховниот суд ги номинира претседателот, а потоа мора да бидат потврдени во Сенатот, каде мнозинството се републиканците.

Во 2017 година поминаа 67 дена од номинацијата на Трамп до потврдата на Горсуч во Сенатот, додека во 2018 година, Кавано беше назначен за 89 дена.

Претседателските избори во САД ќе се одржат на 3 ноември. ми/

Таг
Back to top button
Close
Close