0_Македонија.ПорталОпштество

По 27 години реновирана метеоролошката станица во Лазарополе

Енергетски ефикасен објект, нови наместо дотраени прозорци, обновена електрична инсталација и обновен енетериер. Вака денес изгледа метеоролошката станица во Лазарополе која е реновирана по 27 години.

Скопје, 27 февруари 2020 (МИА) – Енергетски ефикасен објект, нови наместо дотраени прозорци, обновена електрична инсталација и обновен енетериер. Вака денес изгледа метеоролошката станица во Лазарополе која е реновирана по 27 години.

Метеоролошката станица во која по речиси три децении се обезбедени пристојни услови за работа, денеска ја посети министерот за земјоделство, шумарство и водостопанство, Трајан Димковски. Тој беше придружуван од директорот на Управата за хидрометеоролошки работи (УХМР), Ивица Тодоровски.

Реновирањето го спроведе УХМР минатата година, со средства од Програмата за рурален развој.

Метеоролошка станица е изградена во 1993 година. Сега е опремена со современи инструменти за мерење на метеоролошките параметри, а во нејзиниот двор е поставена и автоматска метеоролошка станица.

УХМР преку Програмата за рурален развој во изминатите две и пол години реновира девет метеоролошки станици од вкупно 18. Освен оваа во Лазарополе, реновирани се и метеоролошките станици во Крива Паланка, Штип, Демир Капија, Берово, Виница, Претор, Охрид и Пожаране. Воедно се поправи и се надгради радарскиот систем Ѓуриште, кој е наменет за создавање радарски систем за рана прогноза и предупредување од опасни временски појави и е од исклучително значење за детектирање и следење на облачните маси кои предизвикуваат големи временски непогоди и рано откривање на конвективна облачност.

Според МЗШВ, за оваа година се обезбедени 60 милиони денари за разбивање градоносни облаци со авионско засејување. Тендерот е завршен, се избра најповолен економски понудувач и од 15-ти април се очекува почнување на активностите. мч/са/

Back to top button
Close
Close