Свет

Песков: На обвинувањата против Русија недостигаат конкретни докази

Кремљ денеска соопшти дека на обвинувањата на Запад за руските глобални хакерски активности им недостигаат конкретни докази.

Москва, 8 октомври 2018 (МИА) – Кремљ денеска соопшти дека на обвинувањата на Запад за руските глобални хакерски активности им недостигаат конкретни докази.

Според портпаролот на Кремљ, Дмитриј Песков, Русија е подготвена да ги проучи доказите за наводни кибер напади, доколку тие доаѓаат од Холандија и тоа преку официјални канали.

Тој додаде дека Русија не ги зема предвид наводите на западни медиуми за кибер напади како релевантни и доволни докази.

– Не, тоа не се докази. Постојат воспоставени и функционални канали помеѓу соодветните агенции, во рамките на механизмот за обезбедување правна помош. Документите, доказите и другите официјални информации се пренесуваат преку овие канали. Подготвени сме да ги разгледаме, но немаме намера да ги разгледуваме овие теми преку средствата за јавно информирање, истакна Песков.

Западните земји издадоа заедничка изјава во четвртокот, со која ја обвинија Русија за глобална хакерска кампања. паг/ми/13:59

Таг
Back to top button
Close
Close