Дописници МКДОпштински вести

Партерно уредување на централното градско подрачје во Делчево

Запуштениот простор во централното градско подрачје во Делчево што наликуваше на мини депонија, од денеска партерно се уредува. За градежните работи на уредување на просторот со површина од 220 метри квадратни, како што информираа од Општината, задолжени се екипите на Јавното комунално претпријатие „Брегалница“.

Делчево, 11 март 2020 (МИА) – Запуштениот простор во централното градско подрачје во Делчево што наликуваше на мини депонија, од денеска партерно се уредува. За градежните работи на уредување на просторот со површина од 220 метри квадратни, како што информираа од Општината, задолжени се екипите на Јавното комунално претпријатие „Брегалница“.

– Со механизација и рачно се раскопува стариот бетон и плочките кои беа доста оштетени, а на нивно место ќе се постават бехатон плочки. Се работи за доста фреквентно место во централното градско подрачје на кое итно му беше потребно уредување, информираат од општината.
Понатамошните активности, како што додадоа, предвидуваат и хортикултурно уредување на просторот.
 
– Ова подразбира засадување садници, цвеќиња, поставување урбана опрема како и уредување на дел до просторот наменет за паркирање, соопштија надлежните.
 
Претходно на оваа локација беа санирани и оштетените скали кои поврзуваат со главната улица „Маршал Тито“. вс/бт/

Таг
Back to top button
Close
Close