СветСвет.Портал

Падна цената на нафтата како резултат на зголемениот број заразени од коронавирус

Цената на нафтата на светските пазари денеска падна како резултат на рекордниот дневен пораст на заразени со коронавирус ширум светот, со голем скок во САД во текот на викендот.

Њујорк, 13 јули 2020 (МИА) – Цената на нафтата на светските пазари денеска падна како резултат на рекордниот дневен пораст на заразени со коронавирус ширум светот, со голем скок во САД во текот на викендот.

Трговците за натамошни насоки го очекуваат состанокот на ОПЕК, што треба да се одржи оваа недела.

Цената на барел сурова нафта на лондонскиот пазар утрово падна за 53 центи, на 42,71 американски долари. На американскиот пазар, барелот се тргуваше за 64 центи пониска цена, за 39,91 американски долари.

Светската здравствена организација (СЗО) вчера соопшти дека во светот во последните 24 часа се регистрирани 230.370 случаи на заразени со коронавирус, што е рекорден дневен пораст од почетокот на пандемијата. паг/

 

 

Таг
Back to top button
Close
Close