Општински вестиСкопје

ЈП „Комунална хигиена“ изврши дезинфекција на Старата скопска чаршија

Екипите на Јавното претпријатие „Комунална хигиена“- Скопје денеска извршија дезинфекција на Старата скопска чаршија.

Скопје, 18 март 2020 (МИА) – Екипите на Јавното претпријатие „Комунална хигиена“- Скопје денеска извршија дезинфекција на Старата скопска чаршија.

Дезинфекцијата е спроведена на сите внатрешни улици и делови на Чаршијата, со употреба на специјално комунално возило за оваа намена.

Директорот на ЈП „Комунална хигиена“, Абдусамед Шабани изјави дека во Старата скопска чаршија секојдневно има голем број на посетители и минувачи и одлучиле со Општината Чаир да спроведат вонредни мерки и активности.

– Во координација со Општина Чаир одлучивме токму на оваа локација да ги спроведеме овие вонредни мерки и активности со цел максимално подигнување на нивото на хигиената и чистотата на јавните површини, во насока на заштитата на здравјето на граѓаните, изјави Шабани. мд/сп/

Back to top button
Close
Close