0_Спорт.ПорталФудбал

Озил не сака да го напушти Арсенал во зимскиот трансфер-прозорец

Еркут Согут, агент на играчот за врска на Арсенал, Месут Озил, изјави дека фудбалерот нема намера да ги напушти „топчиите“ во зимскиот преоден рок.

Лондон, 16 декември 2020 (МИА) – Еркут Согут, агент на играчот за врска на Арсенал, Месут Озил, изјави дека фудбалерот нема намера да ги напушти „топчиите“ во зимскиот преоден рок.

– Срамота е што Месут не игра за Арсенал. Да, секој зборува за неговата голема плата, и јас разбирам зошто, но тука гледам неправедност, со оглед на креативноста и талентот на Озил. Многу екипи сакаат да го имаат во својот состав, но тој го почитува договорот и сака да игра за Арсенал. Месут е човек од збор, таквата лојалност ретко се среќава каде било овие времиња, истакна Согут за „Tuttomercatoweb“.

Триесет и двегодишниот Германец со турско потекло, не се појави на теренот во сезоната 2020/2021. Арсенал одлучи да не го стави на списокот во сите натпреварувања.

Договорот на играчот „топчиите“ важи до крајот на јуни 2021 година. зс/

Таг
Back to top button
Close
Close