0_Спорт.ПорталSport.SlajderТенис

Ѓоковиќ: Организаторите на УС опен предлагаат драстични мерки

Првиот рекет на светот, Новак Ѓоковиќ раскажа како организаторите на УС Опен се подготвуваат за турнирот.

Белград, 5 јуни 2020 (МИА) – Првиот рекет на светот, Новак Ѓоковиќ раскажа како организаторите на УС Опен се подготвуваат за турнирот.

– Вчера разговарав на телефон со организаторите на некои турнири. Разговаравме за опциите за продолжување на сезоната, главно зборувајќи за УС опен. Грен слемот во Њујорк треба да започне кон крајот на август, но досега има неизвесност. Условите што тие сакаат да ги понудат се навистина невидени. Јас разбирам дека не треба да зборувам за тоа, но сепак. Ќе мора да живееме во хотел во близина на аеродромот, да не одиме никаде и да поминеме тестови за коронавирус 2-3 пати неделно, изјави српскиот тенисер.

Ѓоковиќ се пожали и на ограничениот број придружници на тенисерите.

– На територијата на клубот можеме да бидеме придружени само од едно лице, а тоа е едноставно незамисливо. Тие мора да земат предвид дека имаме тим, не само што ги носиме со нас. Во принцип, има многу проблеми. Сочувствувам на сите ограничувања, затоа што има финансиски причини, има договорни обврски, поради што организаторите ќе се обидат да го одржат овој турнир по секоја цена. Ајде да видиме како ќе течат работите, додаде Ѓоковиќ. зс/

Таг
Back to top button
Close
Close