Верски календар

Од верските календари

23 мај 2020 (МИА) ОД КАЛЕНДАРОТ НА МПЦ Според календарот на МПЦ (Јулијанскиот календар) денеска е 10 мај. Денеска е Св. апостол Симон Зилот.

23 мај 2020 (МИА)

ОД КАЛЕНДАРОТ НА МПЦ

Според календарот на МПЦ (Јулијанскиот календар) денеска е 10 мај.

Денеска е Св. апостол Симон Зилот.

Свети апостол Симон потекнувал од галилејскиот град Кана. Свадбата што ја опишува свети Јован во своето Евангелие е токму свадбата на овој подоцнежен апостол. Наречен е Зилот (што во превод значи ревнител), затоа што бил голем приврзаник на Христос и неговата вера. Еден е од 12-те апостоли. По слегувањето на Светиот Дух на празникот Педесетница тој проповедал за Христа во Египет, Етиопија, Либија, Мавританија и Британија, каде што пострадал маченички бил распнат на крст, во времето на римскиот император Трајан.

ОД КАТОЛИЧКИОТ КАЛЕНДАР

Денеска е Св. Иван Крстител де Роси.

Роден е на 22 февруари 1698 година во местото Волтаџо, во близина на италијанскиот град Џенова. Бил свештеник во Рим и го проповедал Христовото евангелие. Материјално и духовно се грижел за болните луѓе и за сиромашните. Римјаните се одушевувале поради неговата светост и издржливост при помагањето на сиромашните луѓе. Умрел на денешен ден во 1764 година.

ОД ИСЛАМСКИОТ КАЛЕНДАР

Времето за ифтар и суфур

Во Скопје, времето за ифтар (кога завршува постот), денеска е во 20 часот и 1 минута, додека времето за суфур (кога почнува постот) е во 3 часот. Времето за ифтарот и суфурот во Прилеп и Куманово почнува една минута порано, во Велес две минути порано, Штип три минути, во Кочани четири минути, во Струмица и Валандово пет минути, а во Делчево шест минути порано. За разлика од времето за ифтарот и суфурот во Скопје, во Ресен и Битола ифтарот и суфурот почнуваат една минута подоцна, во Тетово, Гостивар и Кичево две минути, а во Охрид, Дебар и Струга пет минути подоцна.

###

Провери го и ова

Close
Back to top button
Close
Close